香港完善的單車徑都係位於大埔大美督及其他單車公園，很少有可以坐地鐵到的，今次分享又方便又景色優美的「將軍澳」單車徑！
將軍澳共有五個地鐵站包括寶琳、坑口、將軍澳、康城、調景嶺， 這個人口不斷上升的新區仍在不斷的發展，居民經常以單車代步，單車路線四通八達，踩踩下想去食個tea 或者去廁所？區內豪宅林立新商場，配套十足， 揸車人士更可泊到附近商場，近日更有Donki進駐，絕對可以玩足一日。
如何租單車
如果無單車又想享受單車樂就可以租單車，有以下幾個地點：
Bibaqq (將軍澳站 - 單車徑)
收費為星期一至五 $30/小時，半日(6小時)$140
星期六、日及公眾假期 $40/小時，半日(6小時)$180。
HK Velodrome G50 ( 坑口/將軍澳 - 單車公園 )
收費：$40/小時，半日(6小時) $240
共享單車 - Loco Bike https://loco.hk/bike
收費 ：$3/半小時，首次 充值$169，每次扣數
近日還換了不少新車 ~ 非常不錯 ~
其實價錢來說都是差不多的， 某程度上價錢已反映交通嘅方便程度及車嘅新嘅質素。
路徑
將軍澳幾個小區都連在一起，其實可隨意挑一個地方開始，然後隨意加減即可。
靚景體驗路徑：
於海邊開始踩，可踩到康城站 (1.5 km)，沿途平路為主，風景優美， 比較空曠，記得做好防曬。到康城站迴旋處，通常都會有架雪糕車，享受下雪糕休息下就回程了。還車後，可到附近餐廳，欣賞海景食個tea，再到Monterey 商場的Donki 購物一番！簡值完美的一天！
泊車：將軍澳 Monterey Place Parking (Donki消費可享免泊) / 至善街停車場 (天晉消費可享免泊),
初學者路徑：
建議由單車公園出發，可以放公園練習一下才正式踩單車徑，單車公園外有大直路單車徑。
還車後更可以到對面的Decathlon 旗艦店走去，那裏除了海量產品外，更加有很多玩。
當然想踩遠一點又可出發到康城去。
泊車：將軍澳 運動場停車場 , 東港城，尚德商場
最長的路徑：
由寶琳至康城的距離為最長， 單程約4km，來回8km，單徑休閒踩40分鐘左右，來回一個鐘多。由於分岔路線多及上落斜多，不建議初學者或不熟區內路線人士。
如果回程覺得踩得唔夠喉，更可入將軍澳/坑口/寶琳踩多幾個圈，道路四通八達，彈性很大。
還車後可以到附近圖書館及公園遊玩，商場食個tea 賺免泊優惠。
泊車：新都城一，二，三期 (商場消費可享免泊), 寶林邨停車場，景林邨停車場
